Recent Articles

මධුසමය ගතකරන්න අඳින්න ඕන හොඳම ඇඳුම් ගැන ලංකාවේ තිබුණු සරාගී Fashion Show එක


ලංකාවේ සරාගී රෙදි පිළි සහ උපකරණ අලෙවියට අදාළ ආයතනයක් පසුගියදා විලාසිතා දැක්මක් පැවැත්වූවා.

මේ විලාසිතා දැක්ම මධුසමයේදී කාන්තාවන්ට සැරසිය හැකි අන්තර්ජාතික මට්ටමේ විලාසිතා නිර්මාණ රැසක් එහි දක්නට ලැබුණි.

එහි ජායාරූප කිහිපයක් පහතින් දැක්වේ…





















ඉරිසියා හිතෙන තරම් ලස්සන ඉරිස්.


විනිසුරු මඩුල්ලේ නෙත් සිත් මුලින්ම ඇදී ගියේ ඉරිස්ගේ මනහර සිනහවටය. පිලිපීනයේ මැනිලා නුවර පසුගියදා පැවැති 65 වැනි විශ්ව රූ රැජන අභිෂේක ගැන්වීමේ උළෙලේ අන්තිම වටය දක්වා මේ 24 හැවිරිදි ප්‍රංශ යුවතිය ඉහළට ඔසවා තැබුවේ මුතු ඇට වන් දසන් පෙළ විහිදා දුටුවන් මන්මත් කරවන අපූරු සිනහවය.

සැබැවින්ම කුඩා වියේදී නම් එවැනි සිනහවක් පෑමට තරම් ඇගේ දත්පෙළ ප්‍රියමනාප බවක් ගත්තේ නැත. එසේ වුවත් තාරුණ්‍යය එළැඹෙද්දී ඇගේ දන්ත වෛද්‍යවරයාගේ දිරිගැන්වීම නිසා සිත් ආකර්ෂණය කරවන සුලු සිනහවක අයිතිකාරිය වීමට අන්තිමේදී ඇය සමත්වූවාය.

මේ පියකරු යුවතිය ඉන් අමුතු දිරියක් ලද්දීය. පැරීසියෙන් කිලෝමීටර් 250ක් පමණ ඈතට වෙන්නට පිහිටි ලීල් නම් ග්‍රාමීය පළාතක උපන් සිහින් සිරුරැති තරුණිය සිය අනාගත වෘත්තීය ලෙස දන්ත වෙදකම තෝරාගැනීමට තීරණය කළේ ඉන් පසුවය. ඇයට වුවමනා වී ඇත්තේ දත්පෙළ අප්‍රසන්න නිසා සිනහව සඟවන තවත් ප්‍රංශ යුවතියන් දහස් ගණනාවකට සිනහව තිළිණ කිරීමටය.

වසර 64කට පසුව ප්‍රංශයට විශ්ව රූ රැජන කිරුළ ගෙන දීමට මේ සුන්දර යුවතිය ඉරිස් මිතනේර්ට ඇගේ පියකරු සිනහවත් කදිම ආභරණයක් වූයේ එලෙසිනි. 1953 දී පළමු වතාවට ප්‍රංශයට විශ්ව රූ රැජන කිරුළ ගෙන දුන් ක්‍රිස්ටියන් මර්ටෙල්ගෙන් පසු ප්‍රංශයට විශ්ව රූ රැජනක් හිමිවූයේ එලෙසිනි.

ඇය මෙවර තරගයේ අවසන් දෙදෙනා ලෙස වේදිකාවේ දෑත් අල්ලාගෙන කුතුහලයෙන් යුතුව බලා සිටියේ හයිටි දූපත් සමූහයේ රැකුවෙල් පෙලිසියර් සමඟිනි. දහස් සංඛ්‍යාත නරඹන්නෝ දෑස් විසල් කරමින් බලා සිටියහ. නිවේදන කටයුතු සිදු කරනු ලැබුවේ පසුගිය වසරේ ඇමෙරිකාවේ නිව්යෝක් නුවර පැවැති විශ්ව රූ රැජන තරගයේදිත් නිවේදන කටයුතු සිදු කළ ස්ටීව් හාවේ විසිනි.

එහි දී අන්තිම දෙන්නා වූ කොලොම්බියානු සහ පිලිපීන තරුණියන් වේදිකාව මත සිටි අතර ජයග්‍රාහිකාව නම් කරන්නට ගොස් හාර්වේ වැඩේ වරද්දා ගත්තේය. විශ්ව සුන්දරිය ‘මිස් පිලිපීන්‘ වෙනුවට ඔහු කීවේ ‘මිස් කොලොම්බියා‘ කියාය.

මේ වසරේ විශ්ව සුන්දරියට ඔටුනු පැලඳවීමට වේදිකාවට පැමිණ සිටි පසුගිය වසරේ විශ්ව සුන්දරිය වූ පිලිපීනයේ පියා වුට්ස්බැච්ට එය අමතක නොවන සිදුවීමකි. මෙවර ද හාර්වේ නම වරද්දා ගනීවිදැයි ඕ දෙගිඩියාවට පත්ව සිටි බව නම් සහතිකය. ඊළඟ මොහොතේ දකින්නට ලැබුණේ ඇය විසින් හාර්වේට ‘බෝතල් අඩි‘ මෙන් විශාල උපැස් යුවළක් පිරිනමනු ලැබීමය. නරඹන්නන්ගේ සිනහවෙන් වේදිකාව පිරි යද්දී හාර්වේ ජයග්‍රාහිකාව ‘මිස් ෆ්‍රාන්ස්‘ යැයි නිවැරැදිව හා අකුරටම කීවේය.

දෙසවන් අදහාගත නොහැකිව ඉරිස් විසල්ව ගිය දෑසින් අවට බලන්නට වුවාය. කර වටා බාපනයකුත්, දෑතට මල් කළඹකුත් ලැබෙද්දී ඇය සිටියේ සතුටු කඳුළු වගුරුවමිනි.

අනතුරුව පිලිපිනයේ විශ්ව සුන්දරිය වූ පියා වසරක් පුරා අයිතිකරගෙන සිටි ඔටුන්න ප්‍රංශ යුවතියගේ හිසේ පලඳිද්දී ලක්ෂ සංඛ්‍යාත පිලිපීන වැසියන් නිවෙස්වලත්, අවන්හල්වලත් එළුමස්වලින් පිසින ලද ‘කල්දේරෙටා‘ කමින් එදෙස බලා සිටියහ.

දියමන්ති කැබැලි 311ක් ද, පුෂ්පරාග කැබැලි 5ක් ද, නිල්මිණි කැට 198ක් ද, පළිඟු කැබැලි 33ක් ද, රත්රන් ග්‍රෑම් 220ක් ද ඇතුළත් ග්‍රෑම් 411ක් බරැති අමෙරිකානු ඩොලර් ලක්ෂ 3ක් වටිනා විශ්ව රූ රැජනගේ මනරම් ඔටුන්න දැන් ඉරිස්ගේය.

ඉතිහාසය හා භූගෝල විද්‍යාව පිළිබඳ මහාචාර්යවරයකුටත්, පාසල් ගුරුවරියකටත් දාව උපන් ඉරිස් සිය ජීවිතයේ වැඩි කාලයක් ගත කළේ නිදහසේය. ඇගේ මාපියන් වෙන්වෙද්දී අවුරුදු 3ක පුංචි දැරියක විටි ඉරිස් ඉන් පසුව හැදී වැඩුණේ සිය මව සමගය.

ඇය දැන් ලීල් නුවර සෞඛ්‍ය හා නීතිය පිළිබඳ විශ්ව විද්‍යාලයේ දන්ත විද්‍යාව හදාරමින් සිටින්නීය. තවත් වසර කිහිපයකින් සිය උපාධිය සම්පූර්ණ කිරීමෙන් පසුව ඕ දන්ත වෛද්‍යවරියක ලෙස ජනතාව හමුවට පැමිණෙනු ඇත.

බළලුන්ට දැඩි ඇල්මක් දක්වන ඉරිසාට සිය සුරතල් බළලුන් දෙදෙනාවත් පිලිපීනයට කැඳවාගෙන ආවා නම් හොඳ බව සිතුණේ ඔටුන්නට හිමිකම් කීමෙන් පසු උදාවූ පළමු රාත්‍රියේදීය. නිවසේ සිටියදී මේ සුරතලුන් දෙදෙනා සමග එකම යහනේ රැය පහන් කරන ඉරිසාට එදා රාත්‍රියේ දැනුණේ දැඩි පාලුවකි.

රට රටවල ඇවිදින්නට තමා බෙහෙවින් ප්‍රිය කරන බවත්, අයිස් ක්‍රීම් රසැති ‘මිල්ක් චොකලට්‘ කමින් මුහුදු වෙරළක නිදහසේ පොතක් කියවන්නට කැමැති බවත් ඉරිසා කීවේ ඊළඟ දිනයේ පැවැති ඇගේ පළමු සම්මුඛ සාකච්ඡාවේදීය. එය ලොව පුරා නැරැඹූ ලක්ෂ සංඛ්‍යාත තරුණියන්ට ‘චොකලට්‘ කෑම මහත්වීමට හේතුවක් බව දැන් ඉතින් කවුරු කීවත් පිළිගන්නේ නැති බව නම් සහතිකය.

ඉරිස්ගේ විනෝදාංශ නම් අද කාලේ අපේ රටේ බොහෝ තරුණියන්ටත් ආදර්ශවත් එකකි. ඇය කීවේ ඉහුම් පිහුම්වලට වැඩි කැමැත්තක් දක්වන බවය. ප්‍රංශයට ආවේනික ආහාර පාන පිළියෙල කිරීමට ඉරිසා දක්වන්නේ පුදුමාකාර හැකියාවකි. ඒ අතින් ඇය මුළුතැන්ගෙයි පැත්ත පළාතටවත් යාමට අකැමැති බොහෝ තරුණියන්ට කදිම ආදර්ශයකි. ගෝවාවලින් සාදන ලොව් ෆැසියම්, ප්‍රංශයටම ආවේනික මාළු ස්ටූව, සුදුලූණු සහ බටර් දමා සාදන එස්කාර්ගොට් වැනි ආහාර පිසීම ඇයට කජු කනවා වැනි වැඩකි.

ඉරිස් කියන්නේ තමා නිර්භීත යුවතියක් බවය. ඇතැම් තරුණියන් ගුවන් යානාවකින් යාමටත් බියක් දැක්වූවත් තමා නම් ගුවන්යානාවලින් පැරෂූට් මගින් බිමට පැනීමට දැඩි ආසාවක් දක්වන බව ඇය කියන්නීය. ‘ස්කයි ඩයිවිං‘ ලෙස ප්‍රචලිත මේ ත්‍රාසජනක ‘ගුවන් පිම්ම‘ ඉරිස්ගේ ප්‍රියතම ක්‍රීඩාව බවට පත්වී තිබීමත් විස්මයජනකය. ඇය මේ වෙද්දී එවැනි භයානක ගුවන් පිමි කිහිපයක්ම පැන තිබේ. ඉදිරියේදීත් පනින බව ඇය කියන්නේ සිනහමුසුවය.

අලුත්ම විශ්ව රූ රැජන එවැනි වර්ගයේ තරුණියකි. ඉඩෝරයේ නගර කොනේ අයිෆල් සීමාවේත් ඇය ලිලී මලක් මෙන් ප්‍රංශය සුවඳවත් කරන්නට සමත්වූයේ එලෙසිනි.

හිරුණිකා නොකියා කියන රහස කුමක්ද?

දේශපාලන ලෝකයේ පෙරළිකාර චරිතයක් වන පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර සමඟ සාකච්ඡා කළේ දේශපාලනය ගැන නම් නොවේ. ඇය පිළිබඳ අපට ලැබුණු අලුත්ම ආරංචියක් ගැනයි.
හැමෝම හිරුණිකා ප්‍රේමචන්ද්‍ර කියලා කතා කෙරුවට සම්පූර්ණ නම දැනගන්න කැමතියි?
මගේ සම්පූර්ණ නම හිරුණිකා එරංජලි ප්‍රේමචන්ද්‍ර.
ඔයාගේ සහකරුගේ නමත් මතක් කෙරුවොත්. අපි දන්න තරමින් නම් දෙකත් බොහෝ සමානයි.?
එයා හිරාන් එරන්ද යටෝවිට.
අලුත් ජීවිතේ හිතුවටත් වඩා ලස්සනයි කියලා ආරංචියි......?
අපි දෙන්නා විවාහ වෙලා දැන් අවුරුදු දෙකකට ආසන්න වෙනවා. කාලය ගියා තේරුණේ නැහැ. ඉතාම සන්තෝසෙන් ජීවත් වෙනවා.
ජිවිතේ අලුත් වෙනසක් වෙන්න යනවා කියලත් රාවයක් පැතිරෙනවා....?
හැමදේම ලැබෙන්නේ දෙයියෝ දෙන වෙලාවට තමයි. අපි බලාපොරොත්තු වෙන දේවල් ඒ වෙලාවටම කවදාවත් ලැබෙන්නේ නැහැ. මම ඒ දේවල් වැඩිය හිතන්නේ නැහැ. දෙයියෝ දෙන වෙලාවට අපිට ඒවා ලැබෙයි.
ළඟදි ඔබ රෝහල් ගත වුණේ දෙන්නා තුන්දෙනා වෙන්නවත් යන නිසා ද?
අනේ නැහැ. මම රෝහල් ගත වුණේ වෙනත් අසනීපයකට.
අලුත් තැනක පදිංචියට ආවේ වෙනසක් බලාපොරොත්තුවෙන් නේද?
ඔව්. ජීවිතේ අලුත් වෙනසක් බලාපොරොත්තුවෙන්. අපි හෝකන්දර ප්‍රිවිලේජ් හෝම් නිවාසයකට ඇවිත් දැන් මාස තුනක් වෙනවා. මේක අලුතින්ම හදපු ගෙයක්. අපි සල්ලිවලට අරගෙන ආවා.
අම්මා දාලා එනකොට ජීවිතේ ලොකු පාළුවක් දැනෙන්න ඇති නේද?
විවාහ වුණාට පස්සේ අපිට හැමදාම මවුපියන් ළඟ ඉන්න බැහැනේ. අම්ම ම තමයි කිව්වේ අපි දෙන්නට වෙනමම ලස්සන ජීවිතයක් ගත කරන්න කියලා. ඒත් අම්මයි අපියි නිතරම මුණ ගැහෙනවා. නැතිනම් ෆෝන් එකෙන් නිතරම කතා තරනවා. අපි දෙන්නා නිතරම ඒ ගෙදරත් මේ ගෙදරත් ඉන්නවා.
මෙහෙම තැනකට ඇවිත් නිස්කලංකව ඉන්න හිතුණේ ඇයි...?
අපි දෙන්නා හරි ආසයි පරිසරයත් එක්ක ඉන්න. නිස්කලංක බව නිසයි මේ වගේ පැත්තකට එන්න හිතුණේ. කොළඹ පැත්තේ හරියට ගහක් කොළක් දකින්න නැහැ.
වැඩක් නැති වෙලාවට මේ ගෙදරට වෙලාම ඉන්න ආසයි කියලා ආරංචියි...?
ඔව්. අපි වැඩක් නැති වෙලාවට මේ ගෙදරට වෙලාම ඉන්නවා. අපි දෙන්නා හරි ආසයි ඇවිදින්න යන්නැතුව ගෙදරට වෙලාම ඉන්න. හිතුණාම පාරේ ඇවිදින්න යනවා. එහෙම නැත්නම් ගොඩාක් කැමැති ගෙදරටම වෙලා ඉන්න.
ඇවිදින්න යන්න අකැමැති හැමතැනම දන්න කියන අය වැඩි නිසා ද?
අනේ නැහැ. අපි දෙන්නා හරිම ආසයි ගෙදරට වෙලාම ඉන්න. අපි උත්සව පාටි වල ඉන්නවා දකින්නේ හරිම අඩුවෙන්. නිවාඩු පාඩුවේ ඉන්න වෙලාවට අපි දෙන්නා ගෙදරට වෙලා කතා කරකර ඉන්නවා. අපි දෙන්නටම වැඩක් නැතිනම් අපි දෙන්නම අනිවාර්යයෙන් ඉන්නේ ගෙදර තමයි.
එහෙම ඉන්නකොට මහත්තයට රසට උයලා පිහලා දෙනවා ඇතිනේ...?
දැන්නම් සහායට කෙනෙක් අරගෙන ඉන්නවා. නැත්නම් මේ ගෙදරට ආපු මුල් දවස් වල හැමදේම කෙරුවේ මම තමයි. හැබැයි මගේ මහත්තයටත් හොඳ රසට උයන්න පුළුවන්. බැඳපු දවස් වල ඉඳන්ම අපි දෙන්නා එකට ඉව්වා.
මහත්තයා ඔයා ඉව්ව රසයි කියූ කැම ජාති ගොඩාක් ඇතිනේ....?
එයාට මම උයන හැමදේම රසයි. හැම කෑමක්ම මට රසට උයන්න පුළුවන්. මම පිටරට ඉගෙන ගත්ත කාලේ හැමදේම තනියෙන්ම තමයි උයාගෙන කැවේ. ඒ නිසා මට හැමදේම රසට උයන්න පුරුදුයි.
විවාහ ජීවිතේ බරක් කියලා හිතුන් නැද්ද?
අනේ නැහැ. මට හොඳ සැමියෙක් හමුවුණා. ඒ නිසා අපි දෙන්න සන්තෝසෙන් ඉන්නවා. එයාගේ ගතිගුණ හරියට මගේ වගේ. එයාගේ මවා ගත්තු කිසි දෙයක් නැහැ. අව්‍යාජකමක් තියෙන්නේ.
ජනප්‍රිය අයගේ විවාහ මහා ඉහළින් ගන්නවා. ඒත් ඔයාලා විවාහය නිහඬවම ගත්තා...ඒකට හේතුවක් තිබුණද?
අද කාලේ වෙඩින් මාකටින් පැත්තට බරයි. හැම එකක්ම හැම පැත්තෙන්ම මාකට් වෙලා. වෙඩින් එකක් කියන්නේ අපේ පෞද්ගලික දෙයක්නේ. විවාහයට එන්න ඕන අපට හදවතින්ම ආශිර්වාද කරන පවුලේ උදවිය. ඒ නිසා අපේ ලස්සන උත්සවයක් වෙලාවට ඇයි අපි අනවශ්‍ය විදියට පීඩාවට පත්වෙන්නේ. මේ දෙවල් කල්පනා කරලයි අපි අපේ වෙඩින් එක පොඩියට කරන්න හිතුවේ.
මුල්ම ආදරය සෙනෙහෙ කොළ වලින්ද නැත්නම් එස් එම් එස් වලින්ද?
අපිට නොයෙකුත් අවස්ථාවල නොයෙකුත් පිරිමි ළමයින් හමුවෙනවා. අපි ඒ වෙලාවට හිතෙනවා ඒක තමයි ආදරය කියලා. නමුත් එක ආදරය නොවෙන්නත් තිබුණා. අපි දෙන්නටත් එහෙමයි. මමයි හිරානුයි දෙන්නම අපි දෙන්නගේ එදිනෙදා තියෙන වැඩ, හමුවෙන අයට ඉඩ දීලයි තියෙන්නේ. මොකද ගෙදර ආවට පස්සේ අපි දෙන්නට අපි දෙන්නා විතරයි ඉන්නේ. අපි දෙන්නගේ ආදරය දැනුණේ එකම මොහොතක. මුලින් යාළුවෝ වගේ ආශ්‍රය කළේ. නමුත් පස්සේ කතාබස් කරන කොට අපි දැනගත්තා අපි දෙන්නගේ හැඟීම් බොහෝ දුරට සමානයි කියලා. මගේ අම්මයි පුංචිලයි දැක්ක ගමන්ම එයාට කැමැති වුණා. මොකද එයා අපේ අම්මගේ මල්ලි වගේ. මුලින්ම හිරාන්ගේ නංගියි අපේ ආදරය දැනගත්තේ. ඒ නිසා මුලින්ම එයාගේ ගෙදරිනුයි අපි දෙන්නට කැමැත්ත දුන්නේ.
දෙන්නගේ වැඩ රාජකාරි ගෙදරට ගේන්නේ නැද්ද?
අපි දෙන්නා උදේට එකටමයි එළියට යන්නේ. එයා මාව අවශ්‍ය තැන බස්සලා එයා එයාගේ වැඩට යනවා. එතකොට එයා දන්නවා මම කොහෙද ඉන්නේ කියලා. අපි දෙන්නා කොහේ ගියත් දෙන්නා කොහේද ඉන්නේ කියලා දෙන්නා දන්නවා. කන්න කලිනුත් අපි දෙන්නා කෑවද කියලා හොයලා බලනවා. මම පාර්ලිමේන්තුවෙන් කන නිසා මම නිතරම එයා කෑවද කියලා හොයලා බලනවා. නමුත් රෑට අපි දෙන්නා එකට ඉඳගෙනමයි කන්නේ.
බත් හැළිය ඉදෙනකම් පොඩි පොඩි විරසක වීම් දෙන්නා අතර ඇති වෙනවා ඇති...?
ඔව්. මට තමයි තරහ යන්නේ. මම මොකක් හරි එකකට මූණ එල්ල ගත්තහම එයා මොනවා හරි කියලා යාළු වෙනවා. තරහ ගියාම මම කෑගහනවා. ඒත් එයා සද්ද කරන්නේ නැහැ.
තරහා යන එක පාඩුවක් කියලා හිතෙන්නැද්ද...?
ඇත්ත. ඒත් වෙන්නේ මට තරහ ගිය­ාම එයා කරන්නේ මාව තවත් අවුස්සන එක. එයා හරිම ආසයි මට කේන්ති යනවට. බොරු දේවල් කියලා මාව අවුස්සන එක දැන් මම තේරුම් අරගෙන ඉන්නේ.
ආන්දෝලනාත්මක කතා ඉදිරිපත් කරන්න දැන් හරි දක්ෂයිනේ...?
මම පොඩි කාලේ ඉඳන්ම එහෙමයිනේ. තාත්තා නැතිවුණ මුල් කාලෙත් මම එහෙම කතා කළානේ. අවස්ථාව ආවහම ඒ විදියට කතා කරනවා.
තරුණියක් විදියට නිදහසේ ස්වාමියාගේ අත් අල්ලගෙන ඇවිදින්න ආස නැද්ද..?
අපි දෙන්නා ගොඩාක් ආසයි නිවාඩුවක් ලැබුණොත් මුහුදු වෙරළට යන්න. එහෙම නැත්නම් අපි දෙන්නා ආසයි හිරාන්ලාගේ මතුගම මහගෙදර යන්න. ගිහිල්ලා ඇළේ දොළේ නාලා වත්ත පිටියේ ඇවිදින්න ආසයි. අපේ ගම තියෙන්නේ වැලිමඩ. නමුත් එහේ ගොඩාක් දුර හා කඳු නිසා නිතරම යන්න එන්න අමාරුයි. අපි දෙන්නටම ඒ පැතිවල යන්න බැහැ. වමනෙ යන්න එනවා.
ආරක්ෂාවට ඉන්න අය දාලා හොරෙන් යන ගමනුත් ඇති....?
අපි තනියෙන් යනවා ගොඩාක් අඩුයි. මේ අයත් අපේ පවුලේ අය වගේ නිසා ප්‍රශ්නයක් නැහැ. කෑමකට එළියට ගියත් අපිත් එක්ක කවුරු හරි එනවා. අපි හොරෙන් ගියොත් ඒ අයගේ හිත් අමනාප වෙනවා. මොකද අපේ ආරක්ෂාව තියෙන්නේ ඒ අයගේ අතේ නිසා.
ලස්සන සුදු පාටින් රූපේ තියාගන්න මොනවා හරි කරනවා ඇති...?
මම උදේම නැඟිටලා හිස්බඩ තැඹිලි ජෝග්ගු දෙක තුනක් බොනවා. කොළ කැඳ බොනවා.
සිරුර ලස්සනට තියාගන්න යෝග කරනවා කියලා ආරංචියි....?
යෝග කරනවා. ඒත් දැන් ටික දවසක සිට අසනීප නිසා කරගන්න බැරිව ගියා.
සුදු සාරියෙන් ඉවත් වුණේ විලාසිතාවන්ට කැමැත්තක් තියෙන නිසා ද..?
නැහැ. තාත්තගේ මරණය නිසයි සුදු ඇන්දේ. එත් මම ගොඩාක් ආස ළා පාට. කුර්තා අඳින්නත් ආසයි. ඒත් රාජකාරියකට යනවනම් අනිවාර්යයෙන් සාරිය තමයි අඳින්නේ.
ඇයි සාරි හැට්ට කර වැහෙන්නම අඳින්නේ.....?
මම ආසයි ඒ විදියට සාරි අඳින්න. නීති විද්‍යාලයේ ඉගෙන ගන්න කාලෙත් මම ඇන්දේ ඒ විදියට. මම හිතනවා ඒ විදියට ඇන්දහම හොඳ පෞරුෂයක් තියෙනවා කියලා. මම රූපලාවන්‍යගාර වලට යනවා ගොඩාක් අඩුයි. හැමදේම කරගන්නේ ගෙදරින්. මම මඟුල් ගේකට යන්නවත් සැලෝන් එකකට ගිහින් ඇඳගන්නේ නැහැ.
නීතිය හදාරන්න ගිහින් නැවතුණේ වගකීම් වැඩි නිසා ද?
මම කර කර හිටපු විභාග අතර මඟ නැවතුණා, මේ වැඩ නිසා. තව මට විභාග තියෙනවා කරන්න. ඒවා කෙරුවොත් තමයි මට නීතීඥයෙක් විදියට වැඩ කරන්න පුළුවන්. මගේ අදහස තියෙන්නේ මට අවුරුදු තිහට කලින් නිතීඥයෙක් වෙන්න. ඒ නිසා මම මහත්තයට කිව්වා කොහොම හරි දැන් පටන් ගන්න ඕන කියලා.
ඒ කියන්නේ තවමත් ඔබට අවුරුදු 30 පැනලා නැහැ. සමහරු වගේ ඔබත් වයස කියන්න අකැමැතිද?
දැන් මට වයස 29 යි.
වේදනාබර අතීතයට තිත තබලද? නැතිනම් තාමත් මතකයට නැඟෙනවද?
ඔව්. තාත්තා ගැන මතක් කරන හැම වෙලාවේම දුකක් දැනෙනවා. තාත්තා හිටියනම් අද කොච්චර සන්තෝස වෙනවද කියලා හිතෙනවා. තාත්තාගේ ගොඩාක් ගතිගුණ හිරාන්ට තියෙනවා. හිරාන් කරන ගොඩාක් වැඩ දැක්කහම මට මතක් වෙන්නේ තාත්තා. තාත්තා හරීම සංවේදියි. මට හරීම ආදරෙයි. ඒ හැම දේම හිරාන්ගෙන් ලැබෙනවා.
හැම දේම එපා කියලා හිතුන දවසකට කරන්න බලාපොරොත්තු වෙන්නේ මොනවද?
අපි දෙන්නගේම බලාපොරොත්තුව තමයි දරුවන් හදලා ඒ ගොල්ලන්ගේ වැඩ කටයුතු ඉවර කරලා මතුගම වගේ පැත්තක හෝ ඈත පළාතක ගිහින් සැඳෑ සමය ගත කරන්න‍.
කොයි දරුවත් අම්මට තාත්තට වැඩි නැහැ. ඒත් මුල් දරුවා කවුරු වුණොත් හොඳද නැද්ද කියලා කුළුදුල් අම්මකුගේත් තාත්තකුගේත් හිතේ බලාපොරොත්තුවක් තියෙනවා. ඔයාලගේ හිතේත් පුංචි බලාපොරොත්තුවක් ඇති.....?
හිරාන් නම් කැමැති දුවකට. මමත් දුවකට කැමැතියි. පුතෙක් වුණත් කැමැතියි.
ජනතාවගේ මනාපය හැමදාම තියේවිද?
ජනප්‍රියතාව අද තියෙන්න පුළුවන්. හෙට නැතිවෙන්න පුළුවන්. ජනතාවගේ මනාපය තියෙනකම් මම ඒ ක්ෂේත්‍රෙය් ඉඳීවි. ඒ නිසාම තමයි මම නීති විද්‍යාලයේ විභාග අවසන් කරන්න හිතුවේ. මගේ අදහසත් තියෙනවා තව උපාධියක් කරන්න. මගේ ජීවිතේ පුදුම ආසාවක් තියෙනවා ලෙක්චරර් කෙනෙක් වෙන්න. මම හරි ආසයි විශ්ව විද්‍යාලයක උගන්වන්න. මේ දවස් වල මම මහන්සි වෙන්නේ ඒකට. මහත්තයා වගේම මගේ අම්මත් මගේ ගමනට උදවු කරනවා.

ජර්මනිය,ඇමරිකාව හෙල්ලූ අපේ රූපලාවන්‍ය ශාකසාර නිෂ්පාදන ආයතනයක්...( Lanka dna).



ශ්‍රී ලංකාවේ පමණක් නොව ලෝකයේම ප්‍රමුඛ පෙළ ශාකසාර ආශ්‍රිත සම්මානලාභී නිෂ්පාදන සමාගමක් වන ''නේචර්'ස් සීක්‍රට්" සමාගමේ 15 වන සංවත්සරයට සමගාමීව නව නිෂ්පාදන පෙළක් එළි දැක්වීම 'නේචර්'ස් සීක්‍රට්' සමාගමේ මිල්ලෑව ප්‍රදේශයේ පිහිටි නිෂ්පාදනාගාරයේ සහ ප්‍රධාන කාර්යාලයේදී සිදු විය.ඒ උත්සවයේ ප්‍රධාන ආරාධිත අමුත්තිය ලෙස සහභාගී වූයේ ප්‍රවීණ රූපලාවන්‍ය ශිල්පිනියක සහ රූපලාවන්‍ය ආශ්‍රිත පුහුණු පාඨමාලා රැසක් පවත්වාගෙන යන ආයතන හිමිකාරිනියක වන නයනා කරුණාරත්න මහත්මියයි.

මේ අවස්ථාව සදහා "නේචර්'ස් සීක්‍රට්" දිවයින පුරා අලෙවි ජාලය භාරව කටයුතු කරන අලෙවි නියෝජිත මහත්ම මහත්මීන් රැසක් ද සහභාගී වී සිටියා.දේශීය මාධ්‍ය ආයතන රැසක මාධ්‍යවේදීන්ද මේ අවස්ථාවට සහභාගී වී සිටීම විශේෂත්වයක් විය.


"නේචර්'ස් සීක්‍රට් බියුටි ක්‍රියේෂන්ස් අධ්‍යක්ෂ නාලක ගුණවර්ධන මහතා අතින් නව නිෂ්පාදන පෙළ වන 'අල්ට්‍රා මොයිස්චරයිසින් බොඩි ලෝෂන්ස්' තිත්ව ක්‍රියාකාරීත්වය සහිත කැරට්,පැපොල්,කෝමාරිකා,රෝස සහ පිච්ච මල් සුවද වර්ගවලින් එළි දක්වනු ලැබීය.


නව නිෂ්පාදන පෙළ පිළිබදව පර්යේෂණ පැවැත්වූ කමිටුවේ සභාපතිත්වය දැරූ ආචාර්ය නිමල් පුන්‍යසිරි මහත්මා සදහන් කර සිටියේ නේචර්'ස් සීක්‍රට් නිෂ්පාදන වල ඇති විශේෂත්වයන් වනුයේ;


සත්ව තෙල්,සත්ව නිෂ්පාදන,සත්ව අත්හදා බැලීම් වලින් තොර / මිනරල් ඔයිල්,සිලිකොන් ඔයිල්, පෙට්‍රෝලියම් අඩංගු නොවන ශ්‍රී ලාංකේය වෙළද පොළ තුල පවත්නා විශ්වාසදායීම ශාකසාර නිෂ්පාදන පෙළ වශයෙන් වගකීමෙන් සදහන් කළ හැකි බවයි.


තම නිෂ්පාදන ශ්‍රී ලංකාවේ සෞඛ්‍ය අමාත්‍යාංශයේ ලියාපදිංචිය ලබා ඇති බවත්,අන්තර්ජාතික තත්ව සහතික වන ISO 9001, ISO 14001 & GMP ලබා ඇති බව නිහතමානීව සදහන් කළ හැකි බව පවසා සිටියා.2011 වසරේ සිට අඛන්ඩව ජාතික හරිත සම්මානයෙන්ද "නේචර්'ස් සීක්‍රට්" පිදුම් ලබා ඇති බව වැඩි දුරටත් සදහන් කර සිටියා.


ප්‍රධාන ආරාධිත අමුත්තිය ලෙස මෙම උත්සවයට සහභාගි වූ ප්‍රවීණ රූපලාවන්‍ය ශිල්පිනී නයනා කරුණාරත්න මහත්මිය සදහන් කර සිටියේ මේ වන විට ශ්‍රී ලංකාවට කිසිදු තත්ව පරීක්ෂාවකින් හෝ නියාමනයකින් තොරව රූපලාවන්‍ය නිශ්පාදන පැමිණීම නිසා රූපලාවන්‍ය ක්ෂේත්‍රයම පිරිහීමට ලක්ව ඇති බවයි.සමහර අවස්ථා වලදී මරණ පවා සිදු වීම කණගාටුදායක තත්වයක් බව නයනා කරුණාරත්න මහත්මිය සදහන් කළාය.


නමුත්,නේචර්'ස් සීක්‍රට් නිෂ්පාදන කිසිවකට අවුරුදු 15 ආ මෙම ගමන්මග තුළ කිසිදු දිනයක චෝදනාවක් ලබා නොමැති බව අභිමානයෙන් යුතුව සදහන් කළ හැකි බවත්,ඇමරිකාව/ජර්මනිය වැනි රටවල නේචර්'ස් සීක්‍රට් නිෂ්පාදන සදහා සුවිශේෂ වෙළද පොළක් නිර්මාණය වී ඇති බවත් නයනා කරුණාරත්න මහත්මිය සදහන් කළාය.

නව නිෂ්පාදන ලෙස එළිදකින ලද "අල්ට්‍රා මොයිස්චරයිසින් බොඩි ලෝෂන්" ත්‍රත්ව ක්‍රියාකාරී සංයෝගය සහිත කැරට්,පපායා,ඇලෝ වේරා,රෝස්,ජස්මින් සුවද වර්ග වලින් ඔබට නේචර්'ස් සීක්‍රට් අලෙවි නියෝජිතයින් මගින් සහන මිලට මිළදී ගැනීමේ අවස්ථාව නව වසර වෙනුවෙන් නේචර්'ස් සීක්‍රට් ආයතනය උදා කර දී ඇත.



ඉෂාර ලක්මිණ (Lanka dna).

ඔයාලගෙම වෙන්න හදන ගායන තරුවක්.


නීති ශිෂ්‍යයෙක් කියන්නේ ව්‍යවස්ථා,නඩු තීරණ,රෙගුලාසි,අණ පනත් කට පාඩම් කිරීම හමුවේ හිරවුණ ජීවිතයක් ගෙවන්නා වූ අයෙක් ලෙස සමාජයේ බොහෝ දෙනෙක් අතර මතයක් පවතිනවා.නමුත්,අද 'shii magazine' අප සමග සුහද කතා බහට එක් වන 'ප්‍රමිත් ගනේආරච්චි' වෙනස්ම සෞන්දර්යාත්මක ජීවිතයක් ගත කරන නීති ශිෂ්‍යයෙක්.


  • ආයුබෝවන්,ප්‍රමිත් ඔබගේ සම්පූර්ණ නම කියමින්ම කතා බහට එකතු වෙමු?

ගීතක සෞම්‍ය ප්‍රමිත් ගනේආරච්චි.

  • "ගීතක සෞම්‍ය" යම් ආකාරයකින් ඔබගේ නිපුණතාවයක් නමින්ම සදහන් කරන පුදුමාකාර ප්‍රවේෂයක් නේද?
මට මේ නම දාලා තියෙන්නේ අම්මයි අප්පච්චියි.ඉපදුණ වෙලාවේ වෙලාව බැලුවාම කියලා තිබුණා සංගීතය පිළිබදව දක්ෂතාවයක් දක්වන කෙනෙක් වෙයි කියලා...සමහරවිට නම දාද්දි අම්මා අප්පච්චිගේ ඔළුවේ ඒකත් තියෙන්න ඇති.

  • ඔබ පාසල් කාලයේදී සංගීතය පිළිබදව දක්ෂතාවයන් දක්වා තිබේද?
ඔව්,මම 5 ශිෂ්‍යත්ව විභාගයෙන් සමත්වෙලා කොළඹ ආනන්ද විද්‍යාලයට ආපු එක මගේ ජීවිතයේ ලොකු සංධිස්ථානයක්,මං හිතන්නේ එතනින් තමයි ජීවිතය වෙනස් වුණේ. 

  • 'සිරස සුපර් ස්ටාර්' තරගාවලියෙන් ඔබ අනපේක්ෂිත ලෙස ඉවත් වෙනවා.ඒ දවස් වල ලංකාවේ ආන්දෝලනාත්මක සිදුවීමක් වුණා ඒ සිදුවීමට...මේ අවස්ථාවේදී ඔබ ඒ අත්දැකීම ගැන මතකය අවදි කරන්නේ කොහොමද?
ඇත්තටම ඒ සිදුවීම වුණේ අපි කවුරුත් බලාපොරොත්තු වුණ විදියට නෙවෙයි.එදා විනිශ්චය මණ්ඩලය විසින් ලබා දුන් ප්‍රතිචාරත් එක්ක මම හිතුවා මම ඊළග වටයට යන්න හොද අවස්ථාවක් තිබුණා කියලා...කොහොම වුණත් හිතුවෙ නැති විදියට මට තරගයෙන් ඉවත්වෙන්න සිදු වුණා.

  • ඔබව ටික කාලයකින් අපිට දකින්න ලැබුණේ නෑ.ඇයි ඒ?
මම මගේ නීති අධ්‍යාපන කටයුතුත් එක්ක ඒ ගැන තමයි වැඩි අවධානයක් දීලා තිබුණේ.ඒ නිසා සංගීත කටයුතු වලින් පොඩ්ඩක් දුරට ඉවත්වෙලා හිටියා.


  • ඔබ මේ දවස් වල කරන 'කවර්ස්' ජනප්‍රිය වෙලා තියෙනවා.'කවර්ස්' ම කරමින් ඉන්නද බලාපොරොත්තුව?

"කවර්ස්" ගැන කතා කරනවානම් ලංකාවේ අයට ඒ ගැන ලොකු අවබෝධයක් නැති වුණාට ලෝකයේ "කවර්ස්" කියන්නෙත් වෙනමම කලාවක් ..ලෝකයේ ගොඩක් ගායකයෝ ඉන්නවා කවර්ස් වලින්ම වාණිජ වටිනාකමක් හදා ගත්තු...අනිත් අතට ඒ වාණිජ වටිනාකමටත් වඩා මම දකින විශේෂත්වය තමයි ඔරිජිනල් සින්දුවටත් වඩා "කවර්" එකක් කරනකොට හිතන්න දේවල් ගොඩක් තියෙනවා.මොකද දැනට පවතින ගීතයේ මුල් කෘතියට හානියක් නොවන විදියට ඒ වැඩේ කරන්න ඕන."කවර්ස්" ගැන කතා කරනකොට මම හැමවෙලාවෙම උත්සාහ කරන්නේ ලයිව් සින්ගින් පැත්තට විශේෂත්වයක් දෙන්න ඒකේ වෙනම හැඩයක් තියෙනවා.

  • ඔබ මේ සිදු කරන්නේ බුද්ධිමය දේපළ කොල්ලයක් නේද?
සාධාරණ ප්‍රශ්නයක්...ඇත්තටම ඒ චෝදනාව සාධාරණ වෙන්නේ කවර්ස් වාණිජමය වටිනාකමකින් මම භාවිතා කරනවා නම් පමණයි.මම මෙතනදි උත්සාහ කරලා තියෙන්නේ අපි හැමෝම ආදරය කරන ගීත අලුත් හැඩයකින් සජීවීව ගායනා කිරීමට පමණයි.සමහර අවස්ථාවල කවර්ස් නිසා මුල් ගීත නිර්මාණය පවා නැවත මිනිස්සු අතර ජනප්‍රිය වෙන්න හේතු වෙලා තියෙනවා.

  • ඔබේ කුළුදුල් මියුසික් වීඩියෝව අන්තර්ජාලයේ ජනප්‍රිය වුණා...ඒ ගැනත් යම් සදහනක් කළොත් මේ වෙලාවේ?
ඒක මගේ මුල්ම නිර්මාණය.ඒ ගීතය මගේ අදහසකට අනූව නිර්මාණය වූ දෙයක් නොවෙයි.මගේ මිතුරෝ කණ්ඩායමක් තමයි ඒ ගීතය නිර්මාණය කරේ.ඒක යම් මට්ටමකට ජනප්‍රිය වුණා.මගේ අලුත් නිර්මාණ කීපයක් ඉදිරියට එන්න තියෙනවා.

  • ලංකාවේ දැන් පවතින්නේ ඒකාකාරීම මියුසික් වීඩියෝ රැල්ලක්.ප්‍රමිත් ගනේආරච්චිගේ නිර්මාණත් එහිම දිගුවක්ද?
ගොඩක් වෙලාවට ඕනම කෙනෙක් සින්දුවක් එළියට දාද්දි ඇහෙන කතාව තමයි මේ ගීතයෙන් මම වෙනසක් කරනවා කියන එක.ඒත් අන්තිමට අහලා බලද්දි ඒකත් ඒ ක්‍රමයේම දිගුවක් විතරයි.ඒ නිසා මම කියන්නේ නැහැ මම වෙනසක් කරනවා කියලා...ඒක තීරණය කරන්න ඕන මගේ ගීත අහන රසිකයෝ.කොහොමත් සංගීතය කියන්නේ හදවතේ භාෂාව,ඒ නිසා මම හැම වෙලාවේම උත්සාහ කරන්නේ මගේ ගීතයෙන් මිනිස්සුන්ගේ හදවත් වලට කතා කරන්න.

  • අනාගත බලාපොරොත්තුව සංගීත ලෝකයේ තරුවක් වෙන්නද?
මෙහෙමයි,මට ඕන තරුවක් වෙන්න නෙවෙයි...මට ඕන මිනිස්සුන්ගේ හදවතට ලං වුණ හැමදාම මිනිස්සු ආදරය කරන හැමදාම මිනිස්සුන්ගේ මතකයේ ඉන්න ගායකයෙක් වෙන්න.


සාකච්ඡාව මෙහෙයවීම - ඉෂාර ලක්මිණ. 


කාන්තාවන්ගේ ලිංගික ආශාවන් ජ්‍යෙතිෂ ඇසින්.


විවාහය යනුවෙන් අර්ථ ගැන්වෙන්නේ ස්‌ත්‍රී පුරුෂ දෙදෙනකු එක්‌ව ජීවත්වීම සඳහා ගිවිස ගැනීමකි. විශ්වාසය, වාසනාව, හරි දැක්‌ම, යහපත යන පදනම මත සකස්‌ව ඇති විවාහය බොහෝ දුරට පවතින්නේ කාන්තාව අතය. විවාහය කටු පඳුරක්‌ සේ අඳුරු කරන්නටත්, මල් උයනක්‌ සේ සුන්දර කරන්නටත් භාර්යාව සමත් වන්නීය. ඇය සොඳුරු වන්නේ ඇගේ යහපත් චර්යාව මතය. ඕනෑම දරුණු පුද්ගලයකු වුවද යහපත් කරගන්නට හැකියාව ඇත්තේද කාන්තාවටයි.

මේ නිසා සෑම සාර්ථක මිනිසකු පිටුපසම සාර්ථක ගැහැනියකද, සෑම අසාර්ථක මිනිසකු පිටුපසම අසාර්ථක ගැහැනියකද සිටින බව අපට සමාජයේ අසන්නට ලැබෙන කියමනකි. යම් පුරුෂයෙකුට යහපත් බිරිඳක හමුනොවුණහොත් විවාහය කවදා හෝ කෙසේ හෝ කුමන ආකාරයකින් හෝ බිඳී යන්නට පුළුවන. විවාහයට පත් පුරුෂයකුට තම බිරිඳගෙන් ලැබෙන යහන් සුවය, සෙනෙහස තරම් දෙයක්‌ තවත් නොමැත. එය විවාහයක පදනමද වේ.

කෙසේ වෙතත් අද සමාජය දෙස බැලූ විට සැමියාට බොරු කියා අවිනීත ලෙස හැසිරෙන කාන්තාවන් ගැන අපට කොතෙකුත් අසන්නට ලැබේ. තම සැමියා රැකියාවට ගිය පසු දරුවන් මොන්ටිසෝරිවලට, පාසල්වලට රැගෙන යන කාන්තාව වෙනත් පුරුෂයකුගේ පහස පතා හෝටල්වලට, රෙස්‌ට්‌හවුස්‌වලට යන පුවත් ඕනෑ තරම් තිබේ. සමහරුන් මෙවැනි සම්බන්ධතා හොර රහසේම පවත්වා ගනිමින් තම ස්‌වාමියා රවටන අවස්‌ථාද නැතිවා නොවේ.

ඉතා අධික කාමරුචියෙන් අනූන වූ කාන්තාවන් සමඟ සම්බන්ධතාවට පත්වීමේදී ඇය සතුටට පත් කිරීම තරමක්‌ අපහසු බවක්‌ ඇති විය හැක. කොතෙක්‌ භෞතිකමය සැප සම්පත්වලින් පෝෂණය වී ඇතත් ඇගේ ආශාවන් සංසිඳ වීමට නොහැකි වන්නේ නම් යුගදිවිය අසාර්ථක වනු ඇත.

කාන්තාවන් තුළ පවත්නා මෙම ලිංගික ආශාවන් සහ ඒ කෙරෙහි දක්‌වන උනන්දුව උෙද්‍යාගය ඇගේ කේන්ද්‍රයේ ග්‍රහ තත්ත්වය තුළින් විනිශ්චය කිරීමේ හැකියාව පවතී. කාන්තාවගේ චරිතය විග්‍රහ කිරීමේදී කුජ සහ සඳුගේ තත්ත්වයද සිව්වැන්න හා සත්වැන්න පිළිබඳවද ඉතා සූක්‍ෂමව පරීක්‍ෂා කළ යුතුය. විවාහය සම්බන්ධයෙන් වැඩි බලයක්‌ ක්‍රියාත්මක වන හත්වැන්න හා අටවැන්න තුළ අඟහරු සමඟ සිකුරු සම්බන්ධ වුවහොත් තරුණ වයසට පා එසවීමට පළමුව ලිංගික ජීවිතය කෙරේ යොමුවේ. මෙවැනි කාන්තාවක කිසි විටෙක එක්‌ පිරිමියෙකුගෙන් සතුටට පත් නොවන අතර විවිධත්වය බලාපොරොත්තු වේ.

ස්‌ත්‍රී කේන්ද්‍රයක අඟහරුට අයත් මේෂ, වෘශ්චික නවාංශක වල සිකුරු තැන්පත් වීම හා සිකුරුට අයත් වෘෂභ තුලා නවාංශකවල අඟහරු තැන්පත් වුවහොත් ඇයගේ ලිංගික ආශාවන් බෙහෙවින් වැඩි කෙරෙන අතර එක්‌ පිරිමියෙකුගෙන් සතුටට පත් නොවේ.

මෙවැනි යෝගයන් ඇති කාන්තාවක ලාබාල වියේදීම අවකල් ක්‍රියාවට යොමුවීමට ඉඩ ඇති අතර සඳු, සිකුරු, කුජ යන දශා අන්තර් දශා කාලවල ඇයගේ ආශාවන් පාලනය කර ගැනීමට නොහැකි වනු ඇත.

උත්පත්තියේදී චන්ද්‍රයා රාහු සමඟ සම්බන්ධ වී ලග්නය, හතර, හත යන ස්‌ථානයක තැන්පත් කාන්තාව, ලිංගික සේවනය සම්බන්ධයෙන් වැඩි රුචිකත්වයක්‌ දක්‌වන්නීය. මෙවැනි කාන්තාවන් ඉතා පහසුවෙන් ලිංගික කාර්යයන් සඳහා යොමුකර ගත හැකි වේ.

චන්ද්‍රයා අඟහරු සමඟ සම්බන්ධ වූ කාන්තාව නිතරම ලිංගික ජීවිතය කෙරෙහි ආශාවක්‌, උනන්දුවක්‌ දක්‌වයි. මෙම යෝගයට විවාහයට සම්බන්ධ ස්‌ථානක යෙදී දුබල ආකාරයකින් යෙදී රාහුගේ දෘෂ්ටියට ලක්‌ වුවහොත් එවැනි කාන්තාවක එක්‌ පුද්ගලයෙකුගෙන් සතුටට පත් නොවේ. මෙය අති ධාවන කාම යෝගයක්‌ වේ.

වෘෂභ, වෘශ්චික, කුම්භ යන තිර රැසක්‌ ලග්නය වී උපත ලැබ පාපීන් බොහෝ සේ දැකීමෙන් කම්සුව පසු පස දුවන, සොර සැමියන් පතන අයෙකු වේ. එමෙන්ම කුජ, ශුක්‍ර, ශනි හත්වැන්නේ යෙදීමෙන් ඇය රහසේ කම්සුව පතා යන්නියක වේ. දෙක, හතර, හත, අට, දොළොස්‌ වැන්නට පැමිණි කුජ සමඟ පාපීන් සමඟ එක්‌වීමද අන්‍ය සැමියන් අතට පත්වන තැනැත්තියක්‌ වන අතර ඒ සඳහා ඉතා ඇලුම් කරන තැනැත්තියක්‌ වේ.

එසේම දොළහේ කුජ, රවි, රාහු සිටීමද, හය අධිපති දොළහේ සිටීමද චරිතය කෙළෙසා ගන්නා පර පුරුෂයන් ඇසුරට ලොල් වන සල්ලාල ගති ඇති කරන යෝගයයි. සඳු සහ කුජ ශුක්‍ර හත හෝ 4 වී එය බලවත් ගුරුට නොපෙනීම අනුව ඇයත්, ඇයගේ මවත් දෙදෙනාම ජීවත් වීමට සල්ලාල රැකියාවක නිරත වේ.

හත්වැන්නට බලවත් වූ ගුරුගේ තීරණ යොමු වීමෙන් අශුභ තත්ත්වයන් දුරු වීමට හැකියාව ඇති මුත් ගුරු ආරක්‌ෂකයා වුවත් හැම කෙනකුටම එය ඉටු කිරීමට ගුරුට හැකියාව නැත. ගුරු යෝග කාරක වුවහොත් සැමටම සලකයි. ශුභ පල ගෙන දේ. සිව්වැන්න පාප පීඩිත වීමද පහත් චරිත බිහිවීමට හේතුවකි.

කිසියම් කාන්තාවකගේ සිකුරු සමඟ චන්ද්‍රයා සංයෝග වූ විට ඇය තම ස්‌වාමියාට උසස්‌ ආකාරයේ සතුටක්‌ ලබාදීමට සමත් වේ. මෙවැනි කාන්තාවක්‌ සමඟ ඇසුරට පත්වූ පුද්ගලයෙක්‌ ඇගෙන් ඉවත් නොවේ. මෙවැනි ග්‍රහ පිsහිටීමක්‌ ඇති කාන්තාවන් එක්‌ පුද්ගලයකුගෙන් සෑහීමකට පත් නොවන අතර නිතරම වෙනත් පුද්ගලයන්ගේ පහස අපේක්‍ෂා කරයි.

කේන්ද්‍රය තුළ මෙවැනි ග්‍රහයෝග ඇතත් කොතරම් ආශාව තිබුණත් අනෙක්‌ භෞතික සාධක මත මනස පාලනය කරගත් අය මෙම තත්ත්වයෙන් මිදීමට ඉඩ තිබේ.

විවාහ වීමේදී විසි පොරොන්දම් ලකුණු මට්‌ටම සියයට ගණනක්‌ බැලීමකින් මෙවැනි චරිත ලක්‌ෂණ හඳුනා ගැනීමට නොහැකි වේ. විවාහාපේක්‍ෂකයන් මේ ගැන බුද්ධිමත්ව සොයා බලා විවාහයට පිවිසීම තුළින් විවාහ ජීවිතය යහපත් තත්ත්වයට පත්කර ගැනීමට අවස්‌ථාව උදාකර ගැනීමට පුළුවන.

ජ්‍යෙතිෂවේදිනී
තුෂාරා වික්‍රමසිංහ

උපුටාගැනීම – දිවයින පුවත්පත

එදා කාන්තාවන්ට ඇන්ඳවූ පතිවත පටි අද කාන්තාවන්ටත් ඕනද?


බොහෝ සැමියන් තම බිරිඳ පතිවත රකින බිරිඳක් වනවා දකින්නට බොහෝ කැමතිය. එහෙත් කාන්තාවන් සම්බන්ධයෙන් ඇත්තේ “පිරිමිනිදු පතන – අවසර කල් රහස් තැන – මිස නොලැබෙන බැවින – ගැහැනු කවුරුද වරදෙ නොබැඳෙන“ යන මතයය.

එදා සිට පැවති මේ මතය නිසා හෝ කාන්තාවන්ගේ ආරක්ෂාව පතා පතිවත පටි (Chastity Belt) නිර්මාණය වී තිබෙනවා. ලෝහයෙන් නිර්මිත මෙම උපාංගය මධ්‍යතන යුගයේ ප්‍රභූන් යුද්ධය සඳහා හෝ ව්‍යාපාරික කටයුතු සඳහා දිගු කලක් නිවසින් බැහැරව සිටිනා සමයන්හිදී තම බිරිඳඅන් අයෙකු හා සංසර්ගයේ යෙදීම වලකනු පිණිස හෝ ආරක්ෂාව පිණිස මෙය නිමවා තිබෙනවා.

මින් රහස් පෙදෙස ආවරණය වන අතර, බහිශ්‍රාවී කටයුතු සඳහා පමණක් යම් ඉඩක් වෙන්කොට තිබෙනවා. මෙම පතිවත පටිය පැළඳීමෙන් පසුව අගුළු ලෑමේ හැකියාව පවතින අතර යතුර සැමියා විසින් රැගෙන යනු හෝ වඩාත් ආරක්ෂිත ස්ථානයක තබා යනවා.

වර්ථමානයේ කාන්තාවන්ට එල්ලවන ලිංගික හිංසනයන් වැළැක්වීම අරමුණු කරගනිමින් 2015දී මෙවැනි උපාංගයක් නිපදවූවද එය වෙළඳපොළෙහි නොමැති බවයි විදෙස් වාර්තා පෙන්වා දෙන්නේ.

කෙසේ වෙතත් මෙවැනි නවීන උපාංගයන්හි ඡායාරූප අන්තර්ජාලයේ දක්නට ලැබෙනවා.

මේ පැරණි පතිවත පටියකි…



පොලිස් කාන්තාවන්ට පොලිසිය ඇතුළෙන්ම හිංසනයක්!


පොලිස් දෙපාර්තමේන්තුවේ 2016 වාර්ෂික ස්ථාන මාරුවිම් සදහා මේ දක්වා ක්‍රියාත්මක වු ස්ථාන මාරුවිම් චක්‍ර ලේඛ සියල්ල අවලංගු කරමින් නව ස්ථාන මාරුවිම් චක්‍ර ලේඛයක් 2016.06.14 වන දින අංක 2576/2016 යටතේ පොලිස්පති තුමා විසින් නිකුත් කර ඇත.

මෙම ස්ථාන මාරුවිම් ක්‍රියාත්මක කිරිම සිදුවුවහොත් පොලිස් දෙපාර්තමේන්තුවේ සමස්ථ විවාහක දරුවන් සිටින කාන්තා පොලිස් නිලධාරිණියන් බහුතරයක් සදහා අති මහත් දුෂ්කරතාවයන්ට මෙන්ම සමාජිය හා ආර්ථික අපහසුතාවයන් රාශියකට මුහුණ දිමට සිදුවනු ඇත.

පොලිස් දෙපාර්තමේන්තුවේ කාන්තා නිලධාරිණියන්ගේ ස්වාමි පුරුෂයන්ද රැකියාවන්හි නිරත වන බැවින්, දරුවන්ගේ රැකවරණ,පෝෂණය ,අධ්‍යාපනය හා පවුල් සංස්ථාව රදා පැවැත්ම සදහා එවකට පොලිස්පති ආචාර්ය මහින්ද බාලසුරිය මහතා විසින් 2010.10.05 වන දින ආර්.ටි.එම්.1509 මගින් කාන්තා නිලධාරින් සදහා ස්ථාන මාරුවිම් ලබාදිම අත්හිටුවා තිබිණි.

ඒ යටතේ ,

2010.09.15 වන විට වසර 05ක් සම්පූර්ණ කරන ලද නිලධාරීන් සදහා ස්ථාන මාරුවීම් ලබාදිම සම්බන්ධ නියෝග නිකුත් කිරීමේදී එම මාරුවීම් යටතේ කාන්තා නිලධාරීනියන් නිදහස් කර නැත. එය එම ලිපිය තුල පැහැදිලිව දක්වා තිබේ. නමුත් විනය ක්‍රියාමාර්ග අනුව කාන්තා නිලධරීන්හට මාරුවිම් ලබාදීමට යෝජනාකර තිබුනද එය ද කොට්ඨාශය තුලම පමණක් සිදුකරණ ලෙස නියෝගකරනු ලැබීය.

ඉන්පසුව තවදුරටත් විවාහක කාන්තා නිලධාරිණියන්ට සහනයක් සලසා දිම වස් ජ්‍යෙෂ්ඨ නියෝජ්‍ය පොලිස්පති තුමා (පරිපාලන) විසින් 2015.01.31 වන දින ආර්.ටි.1035 මගින් විවාහක නිලධාරින්ගේ අවශ්‍යතාවය පරිදි පදිංචි ලිපිනයට ආසන්නතම පොලිස් ස්ථානයට ස්ථාන මාරුවිම් ලබාදිමට කටයුතු කිරිම. සිදුකළ යුතු බව දන්වා ඇත. එම නියෝගයේ අඩංගු වූ නියෝග පහත දක්වා ඇත.

1. කාන්තා පොලිස් නිලධාරිනියන්හට ලබාදි ඇති ඉරැදින විවේකය විශේෂ රාජකාරියකදි හැර අන්සැම අවස්ථාවකදීම අනිවාර්යෙන්ම ලබාදීම.

2. හැකි සෑම අවස්ථාවකදීම ඔවුන්ගේ වැඩමුරය කාර්යාල වෙලාවන්හි පැය 08කට සීමා කිරීම.

3. අවශ්‍යතාවය සැලකිල්ලට ගෙන සෑම අවස්ථාවකදීම කාන්තා නිලධාරිනියන් වෙත ඔවුන්ගේ ඉල්ලීම පරිදි නිවාඩු ලබාදීමට කටයුතු කිරීම.

4. විවාහක නිලධාරිනියන්ගේ අවශ්‍යතාවය පරිදි පදිංචි ලිපිනයට ආසන්නම පොලිස් ස්ථානයට ස්ථාන මාරුවීම් ලබාදීමට කටයුතු කිරීම.

5. විශේෂ රාජකාරි යෙදවිමේදී කුඩා දරුවන් දරුවන් සිටින නිලධාරිනියන් සහ වයස්ගත නිලධාරිනියන් රාජකාරී නොයෙදවීමට වගබලා ගැනීම.

6. මේ සම්බන්ධයෙන් නැවතපැමිණිලි මාවෙත ඉදිරිපත් නොවන සේ වගබලා ගත යුතුවන අතර එසේ පැමිණිලි ලැබුනහොත් ඒ පිළිබදව විමර්ශණය කර අදාල වගකිවයුතු නිලධාරීන් සම්බන්ධයෙන් විනයාණුකූලව කටයුතු කරමි.

ඉහතින් කාන්තා නිලධාරිණියන්ට සලසා දි තිබු සහනයන් මෙම පොලිස්පති චක්‍ර ලේඛණය මගින් කිසිදු සානුකමිපිත බවක් නොමැතිව කප්පාදු කර ඇත.

පොලිස් දෙපාර්තමේන්තුවේ කාන්තා නිලධාරින්ගෙන් සිදුවන මෙහෙය සම්බන්ධයෙන් කිසිවෙකුත් ඔවුන්ව ඇගයිමකට භාජනය කර නොමැත. එහෙත් පොලිස් ස්ථාන වල කාන්තා කාර්යාංශ ස්ථාපිත කිරිමෙන් බලාපොරොත්තු වු රාජකාරි පසුබිම නොපිරිහෙලා ඉටු කිරිමට නිලධාරින් එදා මෙන් අදත් බැදි ඇත. රටෙහි සමස්ථ දරුවන්ගේ රැකවරණය කාන්තා හිංසනය පිටුදැකිමට එරෙහිව කටයුතු කල මෙම පොලිස් නිලධාරිණියන්ට දැන් සිදුව ඇතිතේ තමන්ගේ දරුවන් මෙන්ම පවුල් සංස්ථාවද අතහැර දමා යාමටය.

මිට අමතරව පොලිස් ස්ථානයක සියලු රාජකාරි කටයුතු සදහා දායකවිමද අප විසින් සිදුකරනු ලබයි.

දරුවන් කවුරුත් එක හා සමානය සලකා කටයුතු කළ යුතු වුවද පොලිස් නිලධාරිණියන්ගේ දරුවන් සම්බන්ධයෙන් වගකිම දරන්නේ කවුරුන්ද යන්න අපට නැගෙන ප්‍රශ්ණයකි.

ඉහත කරුණු සම්බන්ධයෙන් සලකා බලා කඩිනමින් සහනයන් සලසා දෙන මෙන් ඔබ තුමාගෙන් ගෞරවයෙන් අයැද සිටිමු.

-අසරණයට පත් කාන්තා පොලිස් නිලධාරිනියන් සහ පවුල් වල සාමාජිකයින් පිරිසක්

අලුත් ටී.වී. වැඩසටහනකින් එළියට ආපු අලුත් මූණක්!

සුපුන් ක්‍රිෂ්මාල් තරුණ වැඩසටහන් නිශ්පාදකවරයාගේ අදහසක් අනූව සිරස ටී.වී. නාළිකාවේ අලුත් වැඩසටහනක් ලෙස 'අංගර ඉගර' වැඩසටහනේ ප්‍රථම වැඩසටහන ප්‍රචාරය විය.ඒ සදහා නවක මුහුණක් ලෙස සහභාගි වූ 'බිනුර' Shii Magazine අපගේ සොදුරු කතා බහ සමග එකතු කරගන්නවා...

බිනුර කොහොමද ජීවිතේ?අපි අලුත් වැඩසටහනකින් ඔබගේ හැකියා වගයකුත් දැක්කා...
ආ...හොදයි අයියේ වරදක් නෑ.විශේෂයෙන්ම ස්තුතිවන්ත වෙන්න ඕන මේ වෙලාවේ 'සුපුන් ක්‍රිෂ්මාල්' අයියා ඇතුළු සිරස ටී.වී.රත්මලාන ස්ටයින් මැදිරි සංකීර්ණයේ කාර්යය මණ්ඩලයට මට මුල්ම ටී.වී.වැඩසටහනට අවස්ථාව ලබා දුන්නාට.ඒ වගේම 'Shii Magazine ' ඔබලාටත් ගොඩක් ස්තුතියි මේ තමයි මගේ මුල්ම සම්මුඛ සාකච්ඡාව...


අපි ඔබව දන්නේ බිනුර මල්ලි කියලා...ඔබගේ සම්පූර්ණ නම මොකක්ද?
බිනුර අශින්ත.

ඔබ ඉපදුණ ගම් ප්‍රදේශය සදහන් කළොත් මේ වෙලාවේ?
හොරණ.

අධ්‍යාපනය ලබපු පාසල් මොනවාද?
හොරණ තක්ෂිලා මහා විද්‍යාලය,හොරණ රාජකීය ජාතික පාසල.


උසස් පෙළ අධ්‍යාපනය හදාරපු විෂයන් මොනවාද?කලා විෂයන්ගෙන් උසස් පෙළ අධ්‍යාපනය ලැබුවේ.


ඔබව නිරූපණ ශිල්පියෙක් විදියට හදුන්වා දෙන්නද?නැත්නම් රංගන ශිල්පියෙක් විදියට හදුන්වා දෙන්නද?කොහොමද හොද?මම නිරූපණ ශිල්පියෙක් විදියට තමයි කලාවට ආවේ...දැනටත් නිරූපණ ශිල්පියෙක් විදියට තමයි වැඩ කරන්නේ.හොද නිර්මාණ වලට ආරාධනා ආවොත් අනිවාර්යෙන්ම රංගන ශිල්පයටත් යොමු වෙන්න කැමත්තක් තියනවා.

ඔබට කුඩා කාලයේ සිට තිබුණ සිහිනයක්ද මේ නිරූපණ ශිල්පය?කුඩා කාලයේදී මම කලාවට ගොඩක්ම යොමු වුණේ නෑ.පාසල් කාලය අවසන් වීමත් සමග නිරූපණ ක්ෂේත්‍රයට අවතීර්ණ වෙන්න මට ලොකු කැමැත්තක් ඇති වුණා.මේ එක්කම මම නිරූපණ ශිල්පය හදාරන්න පටන් ගත්තා.ඒ ආපු ගමනේදී ගොඩාක් මහන්සි වෙලා කැප කිරීම් කරලා අද ඉන්න සාර්ථකත්වයට ආවා.

ඔබට නිරූපණ ක්ෂේත්‍රයට එන්න අවස්ථාව හිමි කර දුන්නේ කවුද?
ඒක විශේෂයෙන් සදහන් කරන්න ඕන දෙයක්.මට නිරූපණ ශිල්පය හදාරන්න ගුරුහරුකම් ලබා දුන්නේ 'බ්‍රයන් ක්‍රැකෝවන්' මහත්මයාව විශේෂයෙන් සදහන් කරන්න ඕන මේ වෙලාවේ...


හොදයි.ඔබට අද මේ ඉන්න තත්වයට ළගා වෙන්න උදවු කරපු අය කවුද?මේ වෙලාවේ කෘතවේදීව ඒ උදවියවත් මතක් කළොත්...මට මේ තත්වයට හරි එන්න උදවු කරපු උදවිය හුගක් දෙනෙක් ඉන්නවා මගේ අම්මා/තත්තා/නංගි මගේ යාළුවෝ විශේෂයෙන්ම 'ඉරුදින - පවන' සගරාවේ අශාන්ති වර්ණසූරිය අක්කාව මේ වෙලාවේ ස්තුතිවන්ත වෙමින් සිහිපත් කරන්න කැමතියි.


ඔබ පොත් කියවන්න හරිම කැමතියි කියලා ආරංචියක් ආවා...මොකක්ද අවසානයට කියවපු පොත?'දුවකගේ කදුළු පොත' ඒක ලියලා තියෙන්නේ උත්තමපුරුෂ දෘෂ්ටි කෝණයකින් ප්‍රවීණ ගුවන්විදුලි නිවේදකයෙකු වුණ ප්‍රේමකීර්ති ද අල්විස් මහතාගේ දියනිය විසින් මට කාලයකට පස්සේ හම්බුණ හොදම සංවේදීම පොතක්...
ඔබ අවසානයටම නරඹපු චිත්‍රපටය මොකක්ද?
ආදරණීය කතාවක් චිත්‍රපටය.පුදුමාකාර සංවේදී චිත්‍රපටයක්.

ඔබ ප්‍රියකරන රංගන ශිල්පියා කවුද?හේමාල් රණසිංහ.

ඔබ ප්‍රියකරන රංගන ශිල්පිනිය කවුද?
මාලනී ෆොන්සේකා මහත්මිය.ඒ වගේ විශිෂ්ට නිළියක අපේ සිනමාවට ආයිත් කවදා පහළ වෙයිද කියන්නත් අමාරුයි...


ඔබ ප්‍රියකරනම ගායකයා?
ගුණදාස කපුගේ මහත්මයා.

ඔබ ප්‍රියකරන ගායිකාව?
උමාරියා සිංහවංශ.

ඔබ ප්‍රියකරන ක්‍රීඩකයා?කුමාර් සංගක්කාර.ක්‍රීඩාවේ විනය මා දැක්කේ ඔහුගෙන්...

පාසල් කාලයේ ගතකරපු ජීවිතය ගැන මොකද හිතෙන්නේ?
පාසල් කාලයේ අපි යාළුවොත් එක්ක හරිම විනෝදයෙන් දග වැඩ කරමින් කාලය ගෙව්වා...ඒ වගේම විශිෂ්ට ගුරුවරු අපිට ලැබුණා.අපි පුලුවන් උපරිම ඉගෙනත්ගත්තා...ආයිත් පාසල් කාලය ලැබෙනවානම් කියලා හිතෙනවා...

ෆැෂන් ගැන මොකක්ද ඔබගේ අදහස?
මම නිතරම අලුත් ෆැෂන් කරනවා.මොඩ්ලර් කෙනෙක් වුණාම අපි අලුත් ෆැෂන් ගැන සෙවිල්ලෙන් ඉන්න ඕන.හැබැයි තමන්ට ගැළපෙන පාරේ බැහැලා යන්න පුළුවන් ෆැෂන් විතරක් කරන්න අපි දැන ගන්න ඕන.

ලංකාවේ කලා ක්ෂේත්‍රය වර්ධනය වෙන්න කරන්න ඕන වෙනස්කම් විදියට ඔබ දකින්නේ මොනවාද?ගොඩක් දෙනෙක් කලාව කියපු ගමන් වැරදි ආකල්ප වල ඉන්නේ...ඒත් කලාවේ ඉදිරියට යන්න ගැළපෙන හැකියාව තියන තරුණ තරුණියන්ට උදවු කරොත් අනිවාර්යෙන්ම කලාව හොද තත්වයකට පත් කරගන්න පුළුවන්.


අවසාන වශයෙන් ඔබ හිටපු නිරූපණ තරගාවලිය ගැනත් සදහනක් කළොත්?
Bmich sportex 2016 ෆැෂන් ෂෝ එක cats mini pageant .


ශ්‍රී ලංකාවේ තරුණ තරුණියන්ට ඔබ ලබා දෙන පණිවිඩය මොකක්ද?උතසාහයයි/කැපකිරීමයි/හිතේ ශක්තියයි තියනවානම් කළ නොහැක්කක් නොමැත.





 








සම්මුඛ සාකච්ඡාව මෙහෙයවීම සහ අදහස - ඉෂාර ලක්මිණ.






~ මගේ රට - ගූගල් සහ ගූ ගල් ~


මගේ රට දූපතකි. එය ‘ආදරය නොදැනීමෙන් හා ලිංගික කුහකත්වයෙන්’ වටවී තිබේ.

මෙහි සිරිමත් වැසියන් ‘ගූගල්’ පීර පීරා ආසාවෙන් සොයන්නේ ‘සෙක්ස්’ය. වැදගත්ම දේ ඒවා අපේ සභ්‍යත්ව මෙව්වා එක අනුව ‘රහසේ පමණක් විය යුතු’ වීම ය.


ඒ අසභ්‍ය ගූගල් අභ්‍යාස රහසේ කෙරුවාට ඒවා කරනා උන් දුටු තැන ‘ගූ - ගල්’ ගැසීම ප්‍රසිද්ධියේ කළ යුතු ය. එය අනාගතයට ආදර්ශයක් ම ය ; සෙවනැල්ලක් ම ය.

මගේ රට ලෝකයට මේ දෙන සෙවනැලි පණිවුඩය එදා ‘ඇරිස්ටෝටල්’ දැන උන්නා නං ‘බලය - ධනය - ලිංගිකත්වය’ වෙනුවට ‘බලය - ධනය - පත්තිනි’ කියා ලියනවා මතු නොව ‘ලංකාව’ ගැනද ලියා ඇති ඔහුගේ ‘ඩිමුන්ඩො’ ග්‍රන්ථයට එය ඇතුළත් කරනවා ය. අපරාදේ ය. එසේ වූවා නං හසන්ත මහත්තයෝ අපට තව තවත් ආඩම්බර වීමට ඇහැකි වනවා ය.

මගේ යෝජනාව දූපත් වාසීන්ට ඇඟිල්ලෙන් ඇන - දූපතෙන් පැන ‘වාත්සයායන’ගේ ‘කාම සූත්‍ර’ කියවා ‘ආදරණීය වන ලෙසට ’ අභියෝග කිරීම ය.

එවිට ‘මිනිසුන්’ සමඟ ‘සුන්දරත්වය හා මනුෂ්‍යත්වය’ පිළිබඳව සහසක් දෑ ගනුදෙනු කළ හැකි ය.

‘කාම සූත්‍රය’ පුරා ලිංගික කුහකත්වය වෙනුවට ‘ආදරය වෙනුවෙන් ශරීරය භාවිත කරන භාවනාව’ සතපා ඇත්තේ ය.
ආදරයේ ගැඹුර සංස්පර්ශ නොකරනා තාක් ලංකාව ගල් වලින් පමණක් ම පිරී වැසී යාමට නියමිත ය.

කරුණාකර 'මල් වලට' ප්‍රේම කරන්න !















| කසුන් මහේන්ද්‍ර හීනටිගල



චොකලට් වලින් ගෙදරදීම හදාගන්න පුළුවන් රසම රස කෑම



ලොකු කුඩා අපි කවුරුත් ඕනෙම වෙලාවක් කන්න කැමති චොකලට් වලින් ලේසියෙන්ම හදන්න පුළුවන් රසවත් කෑම කීපයක් සහ රසම රස හොට් චොකලට් එකක් හදා ගන්න හැටි අපි අද අනිවා වෙතින් අරගෙන ආව. කලින් කාල නැති වගේම කාල බීල තිබ්බත් හදන්න දන්නෙ නැති රෙසපි ටිකක් තමයි මේ.



1. Hot Chocolate




අවශ්‍ය ද්‍රව්‍ය:

මිල්ක් චොකලට් කප් 1 (ඔබ කැමතිම Cadbury හෝ Lindt වැනි මිල්ක් චොකලට් ගැනීමෙන් වඩාත් රසවත් කරගන්න පුළුවන්)
ෆ්‍රෙශ් මිල්ක් කප් 4
රස අනුව සීනි
වැනිලා තේ හැඳි 1
බ්‍රැන්ඩි මේස හැඳි 3 (රසය වඩාත් වැඩි වීමට කැමති නම්)


චොකලට් ටික ඉතාම කුඩා කැබලි කපා ගන්න.

කිරි ටික ලිප තබා මද ගින්නේ හැඳි ගාමින් රත් කරගන්න. එයට සීනි (රස අනුව), චොකලට් සහ වැනිලා එක් කර ලිපෙන් ඉවතට ගෙන චොකලට් දිය වෙන තුරු මිශ්‍ර කරගන්න.

නැවත ලිප තබා උතුරන තුරු මද ගින්නෙ නොනවත්වා හැඳි ගාන්න.  ලිපෙන් ඉවතට ගෙන උණුවෙන්ම පිළිගන්වන්න. බ්‍රැන්ඩි එක් කරනවා නම් එයත් එක් කරගන්න.

(පිළිගැන්වීමට පෙර කෝප්පයේ යටට චොකලට් කුඩා කැබලි කීපයක් එක් කර ඒ මතට හොට් චොකලට් වත් කරගැනීමෙන් හොට් චොකලට් පානයෙන් පසුව රසවත් මෙල්ටඩ් චොකලට් රස බලන්නත් පුළුවන්.)



2. Chocolate Cashew Toast


අවශ්‍ය ද්‍රව්‍ය:

මිල්ක් චොකලට් (සාමාන්‍ය චොකලට්)
පාන් පෙති
රෝස්ට් කර කුඩු කරගත් කජු
කුරුඳු කුඩු ටිකක් (කැමති නම්)


චොකලට් ටික මෙන්න මේ පහසු විදියට Boil කර දිය කරගන්න.
එයට කුඩු කරගත් කජු සහ කුරුඳු කුඩු එක් කර හොඳින් මිශ්‍ර කරගන්න.
පාන් පෙති වල බටර් තවරා සාදාගත් චොකලට් මිශ්‍රණය තවරා ටෝස්ටරයකින් ටෝස්ට් කරගන්න.



3. Chocolate Peanut Butter Cups


අවශ්‍ය ද්‍රව්‍ය:

මිල්ක් කුකින් චොකලට් 320
පීනට් බටර් කප් 1
සීනි කප් 1\2
ලුණු තේ හැඳි 1\4
කප් කේක් ලයිනර්ස් 12


කප් කේක් ලයිනර්ස් ඒවායේ උසින් භාගයක් වෙන තරමට කපා ගන්න.
කුකින් චොකලට් වලින් භාගයක් මෙන්න මේ පහසු විදියට Boil කර දිය කරගෙන ඒවා සකස් කරගත් කප් කේක් ලයිනර්ස් වලින් භාගයක් පිරෙන තරමට හැන්දකින් දාගන්න. මුළු කොලය පුරාම තැවරෙන ලෙස හැන්දෙන් තවර ගෙන හයි වන තුරු අධි ශීත කරන්න.

ඒ අතර තුර සීනි, ලුණු සහ පීනට් බටර් එකට මිශ්‍ර කරගන්න. සෙට් වුන චොකලට් කප්ස් ගෙන ඒවා මැදට පීනට් බටර් මිශ්‍රණය පුරවන්න.
ඉතුරු චොකලට් ටිකත් පෙර පරිදිම උණු කරගෙන පීනට් බටර් උඩින් වත් කර නැවත ශීත කරනයේ දමා සෙට් කරගන්න.



4. Chocolate Pots


අවශ්‍ය ද්‍රව්‍ය:

සීනි කප් 2\3
කෝන් ෆ්ලා මේස හැඳි 2
ලුණු පින්ච් එකක්
ෆ්‍රෙශ් මිල්ක් කප් 3
බිත්තර කහ මද 4
වැනිල තේ හැඳි 1\2
චොප් කරගත් ඩාර්ක් චොකලට් 170
කොකොවා පව්ඩර් තේ හැඳි 1\2


ලිපේ තියන්න පුළුවන් භාජනයකට කිරි කප් 1, කෝන් ෆ්ලා, සීනි සහ ලුණු එක් කර මිශ්‍ර කර බිත්තර කහ මද එකින් එක විස්ක් එකකින් ගසමින් එක් කරගන්න.

මෙයට ඉතිරි කිරි එක් කර හොඳින් මිශ්‍ර කරන්න.

භාජනය ලිප තබා අඩු ගින්දරේ මිශ්‍රණය ඝණ වන තුරු විනාඩි 12ක් පමණ නොනවත්වා හැඳි ගාන්න. උතුරන්න දෙන්න එපා.
ඝණ වූ පසු ලිපෙන් ඉවතට ගෙන වැනිලා සහ චොප් කරගත් චොකලට් එක් කර චොකලට් දිය වන තුරු හැඳි ගාන්න.
පිළිගැන්වීමට සුදුසු වීදුරු කප් වලට දමා පැය දෙකක් පමණ ශීතකරණයේ තබා උඩින් චොකලට් පව්ඩර් ඉස පිළිගන්වන්න.



5. Chocolate Bread Pudding




අවශ්‍ය ද්‍රව්‍ය:

මිල්ක් චොක්ලට් හෝ මිල්ක් කුකින් චොකලට් 225
වාටි ඉවත් කරගත් පාන් 150
හෙවි ක්‍රීම් කප් 3\4
ෆ්‍රෙශ් මිල්ක් කප් 3\4
වැනිලා තේ හැන්දක්
බිත්තර කහ මද 3
සීනි කප් 1\3


භාජනයක් අඩු සාමාන්‍ය ගින්දරේ ලිප තබා එයට විස්ක් එකකින් ගසා ගත් කිරි, හෙවි ක්‍රීම් සහ වැනිලා එක් කර උතුරන තුරු විටින් විට හැඳි ගා ගන්න. උතුරන්න ළං වූ විට ලිපෙන් ඉවතට ගෙන චොකලට් කුඩා කැබලි වලට කඩා එක් කර දිය වෙන තුරු මිශ්‍ර කරන්න.

වෙනම බඳුනක බිත්තර කහ මද සහ සීනි ක්‍රීම් වන තුරු ගසා ගෙන එය චොකලට් මිශ්‍රණයට එක් කර හොඳින් මිශ්‍ර කරගන්න.

බටර් තවරාගත් අවන් කල හැකි බඳුනක පාන් අතුරා එයට උඩින් සාදා ගත් මිශ්‍රණය වත් කර පාන් වලට මිශ්‍රණය උරාගන්න තුරු විනාඩි 15ක් පමණ වෙලා පසෙකින් තබන්න.

පාන් මිශ්‍රණය දාගත් බඳුන ඊට වඩා ලොකු තැටියක් තුල තබා එයට උණුවතුර එක් කරන්න.
එම තැටිය සහ පුඩින් තැටිය සෙල්සියස් 160ට පෙර රත් කරගත් උඳුනක තබා විනාඩි 25ක් බේක් කරගන්න.



ධීවරී වලප!(අසංක ධර්මසිරි විසිනි.)


හෝ හෝ හඬ නගයි දෙසවන නිරන්තරේ
කෝ කෝ මහිමි හිත කකියයි හිමින් සැරේ
එක එක නපුරු සිතිවිලි එයි වරින් වරේ
නෑ නෑ මහිමි රැක දෙයි දෙවි මහ සයුරේ

දියඹට යද්දි ඊයෙ වැහි අඳුර මැද
කියනට සිතුණි ඔබ යන්නට එපා අද
මහ රෑ කන කොකා ඇඬුවා මිදුල මැද
දැන්නම් බයයි සිත හනිකට එන්න සඳ

වෙනදට ඉරට කලියෙන් ගෙට එනවා ඔයා
පොඩි පුතු අසයි ඇයි නැත්තේ මගේ පියා
හෝරා දෙක තුනක් හෙමිහිට ගෙවිල ගියා
දුක් සෝ සුසුම් මගෙ හදවත පුරා තියා

දිනයක් දෙකක් ගෙවුනත් ඔබ තව නැත්තේ
මැරෙනට හිතෙනවා මට දැන් ඔබ මත්තේ
ඔබෙ ජීවිතේටත් කරදරයක්නම් ඇත්තේ
පොඩි පුතු එක්ක පනිනව මූදට සත්තේ

සතියක් ගෙවුණි තවමත් නැත ඔබ ආවේ
ඒ සතියටම එක වේලයි මම කෑවේ
ලොව හැර ගිහින් ඔබ සමහරු මට කීවේ
ඇයි රත්තරන් තාමත් ගෙදරට නාවේ
ණය හොය හොයා එයි ගෙදරට මුදලාලී
ඔබ මියැදිලා වෙන්නලු උගෙ මනමාලී
පුතු ගැන සිතා මම මහ අව්වේ වේලී
වැඩ කරනවා ඔබ කවදා හරි ඒවි


- අසංක ධර්මසිරි