කාන්තාවන්ට බහුලවම වැලඳෙන දිලීර ආසාදන අතර කැන්ඩිඩා රෝගයටත් වැඩි අවධානයක් යොමු වෙනවා. මෙය අප හඳුනා ගන්නේ උල්ලෝගම් ආසාදනය නමිනි. කාන්තාවන්ට මෙන්ම පුරුෂයන්ටද ඇතිවිය හැකි නමුත් මෙහි වැඩි ප්‍රවණතාව පවතින්නේ කාන්තාවන්ටයි.
- දිලීර ආසාදන
- ඇතිවීමට බලපාන හේතු
එච්.අයි.වී. ආසාදිත රෝගීන් හා දියවැඩියා රෝගීන්ගේ ප්‍රතිශක්තිය අඩුවීම නිසාත් නිතරම ප්‍රතිජීවක ඔෟෂධ ගැනීමත් කැන්ඩිඩා ඇතිවීමට හේතු වෙයි. උපත් පාලන පෙති ගැනීමෙන් ශරීරයේ ඇතිවන හෝමෝන වෙනස්වීමත් මෙයට අදාළ හේතූන්ය. තෙතමනය සහිත යට ඇඳුම් භාවිතය හා නිතර දහදිය දැමීමෙන්ද දිලීර ආසාදන තත්ත්ව ඇතිවිය හැකියි.
ගර්භණී සමයේ සිටින කාන්තාවන්ගෙන්ද මෙවැනි ආසාදන තත්ත්ව දැකිය හැකි වන්නේ එම කාලයේදී හෝමෝනවල වෙනස්කම් ඇතිවන නිසයි.
- රෝග ලක්‍ෂණ
• සමේ රතු පැහැගැන්වීම
• බිබිලි ඇතිවීම
• කාන්තාවන්ගේ යෝනි මාර්ගයෙන් තද සුදු පැහැයට (මුදවපු කිරි පැහැති) ශ්‍රාවයක් පිටවීම
• මුත්‍රා කිරීමේදී දැවිල්ල ඇතිවීම වැනි ලක්‍ෂණද පෙන්නුම් කරයි. යෝනි මාර්ගය ආශ්‍රිතව ඇතිවන ආසාදන තත්ත්වයක් නිසා මෙය ලිංගික චර්යාවන්ට පවා බාධා ඇති කරන අවස්ථා පවතියි.
- ප්‍රතිකාර
කැන්ඩිඩා දිලීර රෝගයක් නිසා මෙයට විවිධ ප්‍රතිකාර ක්‍රම පවතියි. මේ සඳහා ආලේපන ඔෟෂධ හෝ වෙනත් පෙතිද නිර්දේශ කළ හැකියි. සමේ ඇතිවන ආසාදනයක් නම් සුදුසු ආලේපනද වෛද්‍ය නිර්දේශයෙන් ලබාගත හැකියි.
- වරින් වර ඇතිවීම
ශාලිකා රංගනී සමරදිවාකර
උපදෙස් : ලිංගාශ්‍රිත රෝග පිළිබඳ වෛද්‍ය සමින්ද්‍රා රණසිංහ
මේ ගැන ඔබේ අදහසත් පහතින් Comment කරන්න....
